An kama yan sanda bogi biyu tare da ganyen tabar Wiwi chike a chikin mota a jahar Taraba

An kama yan sanda bogi biyu tare da ganyen tabar Wiwi chike a chikin mota a jahar Taraba 

A ci gaba da Operation Lafiya Nakowa da ake gudanarwa a Jihar Taraba domin kawar da ‘yan ta’adda da sauran miyagun laifuka, dakarun 6 Brigade na Sojojin Najeriya/Sector 3 Operation Whirl Stroke (OPWS) tare da jami’an Hukumar NDLEA sun samu nasarar cafke wasu mutane da ke kiran kansu ƴan sanda.

Rahotanni sun bayyana cewa dakarun soji da jami’an NDLEA sun tsayar da motoci Toyota Hilux guda biyu a Takum Junction, karamar hukumar Wukari, inda suka gano cike da hodar wiwi. Mutanen biyu da aka kama sun kasance sanye da kakin ƴan sanda, sai dai binciken farko ya tabbatar da cewa ba jami’an tsaro ba ne.

An gano cewa motocin an loda su ne da hodar wucin gadi daga Akure a Jihar Ondo, ana kokarin kai su zuwa Jihar Adamawa kafin a cafke su.

Daga cikin waɗanda aka kama akwai Monday George, tsohon ASP na ƴan sanda wanda aka kora daga aiki, mai shekaru 71, da kuma Ezeugo Destiny Uche, mai shekaru 41. Wasu da ke cikin ɗaya daga cikin motocin sun tsere bayan ganin jami’an tsaro.

A jimlace, katuna 1,134 na wiwi aka samu daga cikin motocin. An mika waɗanda aka kama da kayan hujja zuwa ofishin NDLEA a Wukari domin ci gaba da bincike da gurfanarwa a kotu.

Kwamandan 6 Brigade na Sojojin Najeriya, Birgediya Janar Kingsley Chidiebere Uwa, ya yaba wa dakarun da jami’an NDLEA bisa wannan nasara da hadin kai. Ya kuma jaddada cewa rundunar ba za ta yarda Jihar Taraba ta zama mafaka ga masu safarar miyagun kwayoyi ko ‘yan ta’adda ba.

Ya bukaci jama’a da su ci gaba da bai wa jami’an tsaro bayanai masu inganci da kan lokaci domin taimakawa wajen samun nasarar ayyukan tsaro a fadin jihar.